Hirigintza

barren.eus-logoa

Tokikom

 

 
 

2019 12 12 Mendaroko Udala Diputazioa zubiaGrupo Etxebarria eta Bixuete artean zubi berria eraiki nahi du Mendaroko Udalak, eta tramiteak hasi dituztela jakinarazi dute. Joan zen astean Aintzane Oiarbide Bide Azpiegituretako Foru Diputatuarekin bildu ziren Iñaki Arregi alkatea eta Angel Iriondo zinegotzia, eta erakunde bakoitzak jarraitu beharreko pausuak definitu zituzten.



EAJk hauteskunde-programan jaso zuen zubi berria egiteko asmoa eta orduan esandakoa berretsi du orain alkateak: "Gaur egun zubi bakarra dago industrialdea, ospitala eta Mendaroko hainbat auzotarako. Gainera, oso estua da, eta hainbat arazo ematen ditu, batez ere kamioiak, trailerrak, autobusak... gurutzatzen direnean. Zubi horretan zerbait gertatu eta moztu beharko balitz, mendaroarrak inkomunikatuta geldituko ginateke", zabaldu du Udalak, Komunikaziorako arduradunaren bidez. Ohar berean dio Mendaroren komunikazio-sareak hobetu nahi dituztela, "herritarrek behar dituzten azpiegiturak eskaini eta herriaren garapen sozial eta ekonomikoa bultzatzeko".

Udalak 2020an garatu eta onartu nahi du proiektua, lanekin urte berean hasteko. Proiektua "garapen-fasean" dagoela zabaldu dute eta gai honetan eskumena duten erakunde ezberdinekin (tartean, Jaurlaritza, Ura Agentzia, eta Gipuzkoako Foru Aldundia) biltzekoak direla aurreratu dute. Era berean, alkateak zehaztu du zubia bi zutabekoa izango dela eta ahalik eta azkarren eraiki ahal izateko eta ekonomikoki zein teknikoki eraginkorragoak izateko, bai zutabeak eta baita errepidera lotzeko bigak ere aurrez sortuak izango direla. Zubira biribilgune batetik sartuko litzateke, Plaza auzo aldetik.

 

 

 

Elgoibarko Izarra

elgoibarkoizarra-logoa-irudia

Gida komertziala

Gida komertziala 2018

Bideoak

Barren astekaria

ePosta harpidetza