Karakol izenaz ezaguna den pasabideak Juan Mugertza kalea eta Trenbide kalea lotzen ditu. Pista beltzean egiten ari diren lanengatik itxiko dute hurrengo bi asteetan. Juan Mugertza kaleko hainbat bizilagunek jasaten dituzten hezetasun eta iragazketa arazoei irtenbidea emateko lanak egiten dihardute azken asteetan inguruan.
Inpermeanilizatzeko lanak hasi dituzte egunotan, eta lanok bukatutakoan hormigoia botako dute kaleko zoruan. Bi zereginok bukatu bitartean itxita egongo da Karakola.