Etxebarri parkea berritu du Mendaroko Udalak

Barren.eus 2017ko mar. 15a, 14:36

Etxebarri parkean zegoen pergola kendu, ingurua txukundu eta mahai-jokoen txokoa sortu du Mendaroko Udalak: partxisa, xake-taula, igel-jokoa, karta-jokorako mahaia eta laberinto bat jarri dituzte. 

Joan den barixakuan atondu zuten txokoa, bere argiztapen eta guzti. Kaleko argiak pizten direnean isotuko dira jolas-mahaiak eta aulkiak ere. 

Era berean, herriko aulki publikoak berritzen ere badihardu Mendaroko Udalak. Markatuta dituzte konpondu beharrekoak eta hasi dira berriak jartzen. “Margotzeko eta barniza emateko kendu ditugu batzuk, eta okerren daudenak, polietanozko aulkiengatik ordezkatuko ditugu”. Bestalde, herriko hainbat gunetan, Mañuska kalean eta Trinitate kaleko plazan, lorontzi handiak jarriko dituzte, apaingarritzat.

mendaro parkea berrituta h1

mendaro parkea berrituta h3

 mendaro parkea berrituta v2