Ekimen honen helburua landa ingurunea bizirik mantendu eta indartzea eta herriko haurrei ingurumenarekiko "kontzientzia eta sentsibilitatea" txikitatik piztu eta irakastea dela jakitera eman dute antolatzaileek, Elgoibarko Udalak eta parte hartuko duten bi ikastetxeek.
Egun bakarrean eta elkarrekin egiten zuten lehen Elgoibarko Zuhaitz Eguna, baina pandemiaz geroztik Zuhaitzaren Astea egiten dute eta egun banatan joaten dira Herri Eskolakoak eta Elgoibar Ikastolakoak. Herri Eskolako 60 bat ikasle eta euren irakasleak igo dira gaur Moru gainera. Idotorberaino autobusean igo dira eta oinez egin dute Morura arteko bidea eta baita itzulera ere.
Moruko gailurretik metro gutxitara landatu dituzte zuhaitzak, udal brigadako beharginen laguntzarekin. Elgoibarko ikuspegi ederra eta Karakate parez pare zutela aritu dira lanean, baina ingurune malkartsuan landatu behar izan dituzte zuhaitz-landareak. Hori dela-eta talde txikitan antolatu dira eta txandan txandan jaitsi dira Moru gainetik zuhaitzak landatzeko brigadakoek eginak zituzten zuloetaraino.
Azken bi urteetan Kalamua mendian egin dituzte landaketak eskola-umeek, eta 2019koa moduan, Moru mendiaren magalean egingo dute aurtengoa.
∞Lotura duten albisteak:
- Bertako zuhaitz gehiagorekin laga dute Kalamua eskola-umeek (2022-03-25)
- 200 zuhaitz landatuko dituzte eskola-umeek Kalamua mendian (2022-03-21)
- Zuhaitzaren astearen barruan ehun haritz eta pago landatuko dituzte Kalamua mendian (2021-03-16)
- 50 bat lagun batu ziren zapatuan Mendaron Udalak arbolak landatzeko egindako deialdira (2021-03-15)
- Moru mendian 160 zuhaitz landatu dituzte Elgoibarko ikasleek (2019-03-21)
- Moru mendian 600 zuhaitz landatuko ditu Udalak (2021-02-11)
- Bertako 300 zuhaitz landatu dituzte auzolanean Zirardamendin (2021-01-16)
- Melitoneko errotonda ondoko berdegunean landatu dituzte ikasleek 30 zuhaitz (2018-03-22)
- 30 bat zuhaitz landatu dituzte LH6ko ikasleek Zuhaitz Egunean (2017-03-16)
- 125 ume inguruk hartu dute parte Zuhaitz Egunean (2016-03-15)
- Ehun ume inguruk hartu dute parte Albitxurin egin duten Zuhaitz Egunean (2015-03-17)
- Zuhaitzak landatzen aritu dira eskola umeak (2014-03-18)
- Elgoibarko ikasleek 27 zuhaitz landatu dituzte Albitxurin (2013-03-19)
- Hogei urki eta hogei gereziondo landatu dituzte ikasleek Zuhaitz Egunean (2012-03-23)
- Ikasleek 40 zuhaitz landatu dituzte Zuhaitz Egunean (2011-03-24)
- 25 haritz gehiago ‘Zuhaitz Eguneko basorako’ (2010-03-18)
- 25 bat haritz landatu dituzte Albitxurin Zuhaitz Eguna dela-eta (2009-03-17)
- 30 lizar landatu dituzte Albitxurin Zuhaitz Egunean (2008-03-13)