Ipuinek aukera eskaintzen diete gure seme-alabei bizitzan garrantzitsuak diren bizipenak modu seguruan esperimentatzeko, bizitzarako garrantzitsuak diren erremintak eskuratzeko. Gurasoekiko lotura afektiboa sendotzen dute, eta aukera bat dira guraso moduan gure seme-alabekin bestelako lanketa batzuk egiteko.
Liburu horiek aukeratzen ikasteko tailerra emango du Gotzon Garate Udal Liburutegiak, Dorleta Kortazar adituarekin. HHko eta LH1eko gurasoentzako tailerra izango da, eta bi saiotan egingo dute, martxoaren 16an eta 23an, 18:00etatik 20:00etara. Izena ematea beharrezkoa da: 943 743 525 telefonoan, 688 710 138 whatsappean edoliburutegia@elgoibar.eus helbidean.
