Otsailaren 15etik 19ra bitartean, tailer dinamikoak egingo dituzte, Lanbide Heziketa eta Industria mundua ezagutzeko. Elgoibar Ikastolako eta Arreiturre Institutuko DBH 4ko ikasleek parte hartuko dute saio horietan.
Horrekin batera, datorren astean Goratu enpresa ikustera joango dira Ikastolako eta Arreiturre Institutuko DBH 4ko ikasleak, benetako enpresa baten funtzionamendua ezagutzeko. Lantegian, gaur egungo gizartearen estereotipoei buruzko hausnarketa ere egingo dute.
Martxoaren 1ean berriz, IMHren eta Meka Lanbide Eskolaren prestakuntza eskaintzari buruzko informazio saioa antolatu dute Arreiturre Institutuko Batxilergoko 1. eta 2. mailetako ikasleentzako eta gurasoentzako. Saioa 19:00etan hasiko da, Arreiturre Institutuko eta Meka Lanbide Eskolako bilera-gelan (Arregitorre kalea, 2 eraikina).