Herri Eskolako geletan tailerrak egin zituzten: maskarak eta biserak egiteko aukera izan zen, ilea edota aurpegia margotu eta henna tatuajeak egiteko aukera ere izan zuten. Patioan, bestalde, herri kirol saioa egin zuten: sokatira, txingak, lokotx bilketa eta zaku lasterketa, besteak beste. Paella janarekin amaitu zuten goiz parterako prestatu zituzten ekitaldiak. Eskolako patioan egin zuten bazkaria. Arratsaldean Fan & GO erromeria taldeak girotu zuen Herri Eskolakoen jaia, eta txokolate jana ere egin zuten.
