Elgoibarko institutuaren beharrak eta premiak ezagutzeko bisita egin du Jokin Bildarratz Hezkuntza sailburuak

Barren.eus 2022ko eka. 10a, 12:42

Elgoibar BHI ikastetxean bisitan izan dira Jokin Bildarratz, Eusko Jaurlaritzako Hezkuntza sailburua; eta, Amaia Urzelai, Gipuzkoako Hezkuntzako lurralde-ordezkaria.

Elgoibarko Institututik jakitera eman dutenez, Kudeaketa Aurreratuaren Euskal Sariak banatzeko ekitaldian gonbidatu zituzten Elgoibarrera etortzera Hezkuntza alorreko bi agintariak, Jokin Bildarratz Hezkuntza sailburua eta Gipuzkoako Hezkuntza ordezkari Amaia Urzelai. Gonbidapena onartu ostean, asteon izan dira Elgoibarren, ikastetxea bertatik bertara ezagutzen. Ikastetxetik jakinarazi dutenez, zentroak dituen bi eraikinak ezagutu zituzten bisitan, azken aldian egin dituzten hobekuntza lanak gertutik ikusteko. Zentroaren errealitatea erakusteaz aparte, baina, oraindik dituzten beharrak eta premiak zein diren jakinarazi zieten ikastetxeko arduradunek agintariei. "Oso giro egokian joan da bisita. Gure eskaerak jaso dituzte eta, azkenik, horiei erantzuteko borondate ona eta konpromisoa erakutsi digute", adierazi dute.

∞Lotura duten albisteak:

2022 06 10 jokin bildarratz elgoibar BHI insti bisita

2022 06 10 jokin bildarratz elgoibar BHI insti bisita 2