Elgoibarko Udalak 168.000 euroko dirulaguntza emango die herriko ikastetxeei

Barren.eus 2021ko mar. 24a, 16:11

Bizitzarako prestakuntza euskaraz programaren barruan, ia 168.000 euroko dirulaguntza emango die Elgoibarko Udalak herriko ikastetxeei, 2020/2021 ikasturtean hainbat proiektu eta egitasmo finantzatzeko.

Gaur goizean sinatu dute hitzarmena eta ekitaldian ondorengoek parte hartu dute: Ane Beitia alkateak, Maialen Gurrutxaga Euskara eta Gazteriako zinegotziak, Jabier Larrañaga Elgoibar ikastolako zuzendariak, Raquel Agirre Herri Eskolako zuzendariak, Iñaki Odriozola Arreiturre Institutuko zuzendariak, Jose Mari Beristain MEKA Lanbide Eskolako zuzendariak, Ixaka Egurbide IMHko zuzendariak eta Imanol Basagutxibeaskoa EPAko zuzendariak.
Hona hemen ikastetxeek jaso dituzten dirulaguntzak.

  • Herri Eskola (27.232,25 euro)
  • Institutua (18.592,29 euro)
  • Ikastola (47.120,68 euro)
  • Meka (10.365,6 euro)
  • IMH (63.546,94 euro)
  • EPA (900 euro)

Diru-laguntza Udaleko Hezkuntza, Gizarte Ongizate, Euskara, Berdintasun, Sustapen Ekonomiko eta Enplegua eta Haur, Nerabe eta Gazteen Sustapenerako sailek bideratu dute, betiere, eskolekin adostutako hitzarmenak garatzeko eta sail horien helburuekin bat datozen ekintzak abian jartzeko.

∞Lotura duten albisteak: