Ikastaroa urtarrilaren 13, 14, 20 eta 21ean emango dute, 9:30etik 12:00etara Aita Agirre kulturgunean. Egun horietan, parte-hartzaileek honako gaiak landuko dituzte, besteak beste:
Genero sistemaren eraikuntza historikoa eta deseraikuntza kritikoa.
Maskulinitate hegemonikotik, maskulinitate posible eta justuetara.
Hezitzaileek haur eta gazteekin esku-hartzeko begirada fintzen eta horretarako tresnak.
Hezkidetza hezitzaileon eguneroko lanean txertatzen.
Plazak mugatuak izango dira, beraz parte hartu nahi dutenek, abenduaren 29a baino lehen eman beharko dute izena berdintasuna@elgoibar.eus helbidera idatziz, edota 943 741 050 (luzapena: 306) telefonora deituz.
Elgoibarko Udaleko Berdintasun Sailak antolatu du Hiruki Larroxarekin elkarlanean. Sistema cisheteropatriarkala irauli eta jendarte eraldaketarako pentsamendu eta praktika transfeminista eta kritikoa sustatzea bilatzen duen kooperatiba da Hiruki Larroxa.
