Sekula baino beranduago amaitu dute ikasturtea Batxilergoko ikasleek, koronabirusaren pandemiaren ondorioz. Emaitzak ikusita, baina, merezi izan die eginiko ahaleginak.
IES Elgoibar BHI institutuko 107 ikaslek egin dute aurten Unibertsitatera sartzeko proba eta guztiek gainditu dutela jakinarazi dute ikastetxetik. Era berean, institutuko bost ikaslek lortu dituzte aurten ohorezko matrikulak. Honako hauek dira: Uxue Egaña Unanue, Elaia Oiartzabal Zinkunegi, Jone Alonso Nogales, Miren Etxezarreta Mendikute eta Alain Rodríguez Martija.
Aurten diploma banaketa ekitaldirik gabe eta ikasbidaiarik gabe gelditu dira Batxilergoko ikasleak.
Ohorezko matrikulak urtez urte Elgoibarko Institutuan: 2019 - 2018 - 2017 - 2016 - 2015 - 2014 - 2013 - 2012 - 2011 - 2010 - 2009 - 2008 - 2007 - 2006.
∞Lotura duten albisteak:
- Selektibitatea prestatzeko itzuli dira ikasgeletara Elgoibar BH Institutuko ikasleak (2020-06-02)
- Meka Lanbide Eskolan ere bueltan dira ikasleak (2020-06-01)
- Lanbide Heziketako ikasleak izan dira ikasgeletara itzuli diren aurrenekoak (2020-05-25)
- Paul Rojo ikasle elgoibartarrak atera du selektibitateko notarik altuena Gipuzkoan (2019-05-15)
