UEUk, EHUk eta 'Hik Hasik' antolatutako ikastaroetarako dirulaguntzak

Barren.eus 2020ko eka. 8a, 10:57

Elgoibarko Udalak matrikularen kostu osoa ordainduko die Elgoibarko ikasleei, langabeei, pentsiodunei eta jubilatuei. Horretaz gain, matrikularen kostuaren erdia ordainduko die lanean diharduten pertsonei.

 Elgoibarko Udalak dirulaguntzak emango dizkie Udako Euskal Unibertsitateak, Eibarko, Iruñeko eta Gasteizko egoitzetan, udan, emango dituen ikastaroak egiten dituzten herritarrei.
Dagoeneko, zabalik dago UEUren aurtengo udako eskaintzan izena emateko epea. Aurten, izena emateko epea ez da itxiko ikastaroa hasi arte. Horrela bada, UEUk 12 ikastaro eta 5 jardunaldi eskainiko ditu aurtengo udan, uztailaren 13tik irailaren 4ra bitartean.
Hona hemen egitaraua:
 • 1. astea: uztailak 13-17

 • 2. astea: abuztuak 31-irailak 4

Bestalde, aurrekaririk gabeko egoera honetan, UEUk neurri bereziak hartu ditu Udako Ikastaro erakargarri eta arrakastatsuak izateko.

  • Aurrez aurreko eskaintza izango da, ezagutza eta esperientzien elkartrukerako gunea baitira Udakoak. (*Segurtasun neurri zorrotzak jarraituko dira).
  • Ikastaro laburrak: 6-10 ordutakoak.
  • Talde txikiak osatuko dira, gehienez, 10 pertsona.
  • Prezio berezia: 10,00 euroko matrikula prezio bakarra.

Informazio guztia: 48. Udako Ikastaroak HEMEN ikusi dezakezu zerrenda osoa.

Elgoibarko Udalak, halaber, dirulaguntzak emango dizkie HIK HASIK eta EHUk uda honetan antolatuko dituzten ikastaroetan parte hartzen duten elgoibartarrei. Horiek horrela, Elgoibarko Udalaren Euskara Sailaren dirulaguntzari esker, Udalak matrikularen kostu osoa ordaintzeko laguntza emango die Elgoibarko ikasle, langabe, pentsiodun eta jubilatuei, eta matrikula erdia ordaintzeko laguntza, berriz, lanean diharduten herritarrei. Dirulaguntzak eskatzeko epea urriaren 30ean bukatzen da, informazio gehiago Euskara Sailean: 943 744 366 euskara@elgoibar.eus