Eskolako Agenda 21eko udalbatzar berezia egin dute goizean Elgoibarko udaletxean. Debabarreneko ikasleek hondakinen gaia landu dute aurtengo ikasturtean, eta Udalbatzarrean aurkeztu dituzte ateratako ondorio nagusiak, baita euren eskaera eta proposamenak ere, herri jasangarri bat eraikitze aldera. Ostegunean Mendaroko ikasleak batuko dira udal ordezkariekin.
Urtean zehar hondakinen gaia lantzeko hainbat ekintza burutu dituzte Debabarreneko ikastetxeetan, eskualdeko udalen, Ingurugelaren eta Debegesa garapen agentziaren laguntzarekin. Helburua izan da, besteak beste, sortzen ditugun hondakinei buruz haur eta gazteen artean gogoeta eta kontzientzia piztea, Debabarreneko azpiegiturak eta hondakinen kudeaketa ezagutaraztea eta ingurunearekiko errespetua sustatzea oinarrizko hiru pauso hauek jarraituz: murriztu, berrerabili eta birziklatu. Behin egoeraren diagnostikoa eginda, Elgibarko ikasleek Udalbatzarrean aurkeztu dituzte, gaur goizean, teratako ondorioak, baita euren eskaera eta proposamenak ere.
Elgoibarko Udalak eta ikasleek hartutako konpromisoak (PDF)
• Mendaron ostegunean
Mendaron ostegun honetan, hilaren 9an, egingo dute Eskolako Agenda 21eko udalbatzar berezia, 11:00etatik aurrera, Mendaroko udaletxean.
∞Lotura duten albisteak:
- Ura eta Deba ibaiari buruz dituzten kezkak Udalera eraman dituzte Elgoibarko eskola umeek (2018-05-22)
- Mendaroko ikasleek ura eta ibaien inguruan dituzten kezkak jakinarazi dizkiote alkateari (2018-05-03)
- Elgoibarko ikasleek bioaniztasunaren inguruan dituzten kezkak jakinarazi dizkiete Udal agintariei (2017-05-18)
- Ingurumenari buruzko proposamenak eman dizkiote Elgoibarko ikastetxeetako ikasleek alkateari (2016-05-19)
- Eskolako Agenda 21eko udalbatzarra egin dute Elgoibarren (2015-05-28)
- Elikadura iraunkorrerako proposamenak egin dituzte ikasleek udalbatzar berezian (2014-06-03)
