Elgoibarko Udalak diru laguntzak emango die Udako Euskal Unibertsitateak (UEU) prestatu duen udaberriko eskaintzan parte hartu nahi duten herritarrei. 23 ikastaro izango dira Eibarren, Iruñean zein on-line.

Zenbait kasutan matrikulatzeko epea zabalik dago. Otsaila eta maiatza bitartean eskainiko dituzte gaurkotasunezko gaiak oinarri dituzten 23 ikastaroak.

Honako eskaintza dago aukeran: (lotura bakoitzean klikatuta, ikastaroaren nondik norakoaren eta matrikulazioaren berri eskura daiteke).

On-line eskaintza:

• Moodle-ren gamifikazioa eta ikasleak motibatzeko sormenezko hainbat erabilera.

• Nola hezi genero-berdintasunean eskolaren eremuan.

• R software askearen erabilera Natur Zientzietako estatistikan.

• Lehen Hezkuntzako espazioen diseinua.

• Adingabeak eta Internet: arriskuak eta nortasun digitala.

Ikasgelako eskaintza:

• Berdintasunaren bidean ahalduntzen. Udaberriko tailer zikloa. (Iruñea)

• Estresa barru bakea bihurtzen.(Iruñea)

• Askatasunean hazi, hezi eta bizi.(Iruñea)

• Irudi bidezko laburpenak: pentsamendu bisuala laburtzeko tresna gisa. (Eibar)

• Ikas komunitatea ikasketa dialogikotik abiatuta. (Iruñea)

• Ez utzi biharko gaur egin dezakezuna: zure produktibitatea hobetzeko metodoen oinarriak eta tresna digital lagungarriak.(Eibar)

• Ahozko komunikazioa errazteko teknikak. (Iruñea)

• Galerak, heriotza eta dolua haurren hezkuntzan. (Iruñea)

• Adimen emozionala eskolan.(Eibar)

• Haur eta gazteen transexualitatea ulertzeko gakoak. (Eibar)

• Memoriatik sormenera. (Eibar)

• Soziolinguistika hiztegi txikia. Arabatik Euskal Herrira ”Hausnartu”. (Gasteiz)
• Euskaltzaletasuna eta Feminismoa: zer ikasi, hura elikatu. (Bilbo)
• Hitz Adina Mintzo, hizkuntza gutxituak ezagutzeko zikloa.(Gasteiz)