Nerabezaroan laguntzen izenburupean gurasoentzako formazio saioak antolatu dituzte Kalamua Guraso Elkarteak, Elgoibar Ikastolako Guraso Kontseiluak, Arreiturre Institutuko Guraso Batzordeak eta Ongizate Sailak (gazteleraz izango dira). Teresa Alonso psikoterapeuta, grafolologo eta grafoterapeutak gidatuko du ikastaroa, bi egunetan: maiatzaren 4an eta maiatzaren 11n. Elgoibarko Kultur Etxeko hitzaldi gelan izango dira, 18:00etatik aurrera.
Hitzaldietan parte hartu nahi duten gurasoek gaur (maiatzak 3) dute izena emateko azken eguna, ikastetxeko idazkaritzara joanda edo/eta elgoibargurasoformakuntza@gmail.com helbidera idatzita.
Hona hemen formazio saioan landuko diren zenbait eduki:
- Segurtasun pertsonalaren garapena. Autoestimua indartzeko mezuak zelan helarazi.
- Mugak eta arauak. Autoritatea maneiatzen ikastea.
- Gaitasun sozialen garrantzia.
- Adiskidetasuna babestea.
- Taldeen presioei aurre egitea.