Morez jantzi zen atzo Euskal Herria, eta nola ez, Elgoibar. Aita Agirrek kulturgunean goizean goizetik argi moreak piztu zituzten, eta eguerdian hasi ziren emakumearen aldeko mobilizazioak. Baina ez ziren hor bukatu eguneko ekimenak. Arratsaldean, berdintasuna lantzeko tailerrak egin zituzten Kalegoen plazan etxeko txikiekin, eta 19:00etan iritsi zen emakumeen aldeko bilkura nagusia.
Herriko hainbat erakundetako ordezkariak eta herritarrak bildu ziren Kalegoen plazan, elkarrekin infinituraino iritsi daitezkeela aldarrikatzeko.
Uluka batukadako doinuekin hasi zuten ekitaldia, eta gero herriko eragileetako ordezkariek hartu zuten hitza. Lila, Herri Eskola, Narrutsik, Ikastolako gurasoak, Haizea eta Ulukako kideek hartu zuten hitza, eta borroka feministaren aldeko ohiuak entzun ziren plazan. Segidan, manifestazioa egin zuten kaleetan zehar, eta gogoratu zuten martxoak 8 egunero dela.
∞Lotura duten albisteak:
