Gizartea

barren.eus-logoa

Tokikom

 

 
 

2016 02 29 loreak emak migratzaileen taldeaGaur aurkeztu dute jendaurrean Loreak, emakume migratzaileen Elgoibarko elkartea. Bestek beste, kulturartekotasuna sustatzeko batu direla azaldu du taldeko presidente Rahma Zaroual Larabechik. Momentuz sei lagunek osatzen dute taldea, baina kide berriak hartzeko ateak zabalik dituztela nabarmendu dute.

Taldea sortzerakoan hainbat helburu zituztela buruan adierazi dute Loreak emakume taldeko kideek: Gizon eta emakumeen arteko berdintasunaren alde lan egitea, bizi diren komunitateko baliabideen berri izan eta erabiltzen ikastea, egunerokotasunean erabili ahal izateko gaitasun pertsonalak garatzea, bizi diren komunitatean parte hartu, emakumeen ahalduntzerako teknika eta prozesuak sustatu, lege-aholkularitza jasotzeko bitartekoak jarri, giza eskubideen aldarrikapena eta prestakuntzan eragitea (alfabetizazioa, teknologia berriak, e.a.).

Loreak elkartea “bertakoen aberasgarri” izango dela adierazi du Elgoibarko alkate Ane Beitiak. "Beraiek eta euren ingurukoak bertakotzeko tresna izango da elkarte hau", esan du alkateak. Zabaltzen-Sortu erakundeak sustatu du taldearen sorrera, eta Elgoibarko Udalaren laguntza ere izango du, Gizarte Ongizate sailarena, han zuzen ere. Elgoibarko Emakumeen Kontseilua ere gertu izango dute, laguntzeko prest. 

Munduko hainbat bazterretatik etorritako etnia desberdinetako emakumez osatua dago Loreak. Momentuz sei lagunek osatzen dute taldea, baina zabalik dituzte ateak. Zabaltzen-Sartuk Arregitorre 6. zenbakian duen lokalean elkartzen dira eta barixakuetan egiten dituzte asteko bilerak, 10:00etatik aurrera. 

2016 02 29 loreak emak migratzaileen taldea 6ak

Elgoibarko biztanleriaren %9 direla migratzaileak jakinarazi du Elgoibarko Udalak. Era berean, datorren astean ospatuko den Emakumearen Nazioarteko Egunaren harira antolatu dituzten ekintzetan kulturartekotasuna izango dela protagonista aurreratu dute udal arduradunek. 

2016 02 29 loreak emak migratzaileen taldea1

Sanbartolomeak2019

 

 

Elgoibarko Izarra

elgoibarkoizarra-logoa-irudia

Gida komertziala

Gida komertziala 2018

Bideoak

Barren astekaria

ePosta harpidetza