Gizartea

barren.eus-logoa

Tokikom

 

 
 

2022 12 28 sutea idotorbe elgoibar Iruna txiki baserria BARRENSu hartu du Irunaga Txiki baserriak, Idotorbe auzoan. Suak kalte handiak eragin ditu baina zorionez ez da inor zauritu eta etxe abere ia denak ere kanpoan zituzten suak baserria kiskali duenean..

Eguerdi aldean piztu da sua Iruna Txiki baserrian. Indar handiarekin jotzen ari den hego haizeak ere lagundu dio suari zabaltzen, eta makina bat suhiltzaile kamioi bertaratu diren arren, ezer gutxi egin ahal izan dute suaren indarrari eusteko. 

Tximiniaren errekuntza ganberan piztu zen sua eta berehala zabaldu da etxe osora. Irunaga txiki baserriak egurrezkoa zuen egitura eta erabat kiskali du etxea suak. Kanpo hormak bakarrik gelditu dira tente. Etsipenez jarraitu zuten gertatzen ari zena etxekoek, Arrate Osorok eta haren seme Iñakik. Arrateren neba Jabierrek kontatutakoaren arabera, ama-semeak etxean zeuden sua piztu zenean, baina berehala konturatu ziren ezer gutxi egin zezaketela teilatuan piztu zen sua amatatzeko. "Han ezin zen ezer egin, sua piztu zenean bertan egon arren ere. Norbera arriskuan jarri besterik ez! Gure modukoa teilatura igotzen hasterako suak hartuta dauka barrutik dena egurra den etxea. Han jai geneukan".

Arrateko (Eibar) eta Urolako (Azpeitia) suhiltzaile etxeetatik berehala gerturatu ziren suhiltzaileak, baina haiek ere ezin izan zuten ezer egin etxea salbatzeko. Bertan bizi ez arren, Irunaga Txikikoek egunero egiten zuten ostera baserrira, han dituzten ardi, ganadu eta gainerako abereak zaintzera, eta duela asko ez dela berritua zuten erretila. Garai batean Antonio Arrillaga Elgoibarko mediku ezagunarena izana zen Irunaga Txiki baserria.

2022 12 28 sutea idotorbe elgoibar Iruna txiki baserria 5 BARREN

2022 12 28 sutea idotorbe elgoibar Iruna txiki baserria 3 BARREN

2022 12 28 sutea idotorbe elgoibar Iruna txiki baserria 2 BARREN

2022 12 28 sutea idotorbe elgoibar Iruna txiki baserria gr BARREN

2022 12 28 sutea idotorbe elgoibar Iruna txiki baserria kamioiak BARREN

2022 12 28 sutea IDOTORBE baserria suhiltzaileen arg

∞Lotura duten albiseak:

 

Elgoibarko Izarra

elgoibarkoizarra-logoa-irudia

 

Gida komertziala

Gida komertziala 2018

Bideoak

Barren astekaria

ePosta harpidetza