Zapata gorriak behar dituzte Elgoibarren, indarkeria matxistaren biktimak ikusarazteko ekimenerako

Barren.eus 2022ko aza. 4a, 17:46

Elina Chauvetek Mexikon 2009an hasitako zapata gorrien artelan kolektiboaren moldaketa egin nahi dute Elgoibarren, indarkeria matxistaren biktima izan diren emakumeak gogoratzeko. Kale instalazioa egin ahal izateko, baina, zapata gorriak behar dituzte.

Zapata gorriak batzeko deialdia egin dute Elgoibarko Udalak eta Lila emakumeen etxeak. Ez dutela ezinbestea gorri kolorekoak izan behar zehaztu dute, gero horiek margotzeko aukera bagolako. Azaroaren 21era bitartean jasoko dituzte oinetakoak Aita Agirre kulturguneko sarreran.

Elina Chauvet artista mexikarrak abiatutako dinamikak haren ahizparen erailketa matxista salatu nahi izan zuen zapata gorrien bidez, eta harrezgero han eta hemen errepikatu zein moldatu dute indarkeria matxistaren biktimak ikusarazteko kale instalazio hori. Mendaron, esaterako, Mendaroko Tratu Onen Taldeak erabili zituen zapata gorriak indarkeria matxistaren biktimak gogoratzeko.

2022 11 07 zapata gorriak non laga aitagirre elgoibar

2022 11 04 zapata gorriak eskaera kartela