Gizartea

barren.eus-logoa

Tokikom

 

 
 

Aste batzuk pasako dira Lesbosera heldu arte, baina hasi du haranzko bidea Elgoibarko 2-dean B-rotuz taldeak gerretatik ihesi dabiltzan errefuxiatuentzako jaso duen materialak (13.000 kilo, 1.354 kaxetan banatuta). Jasotako guztia bi trailerretan sartu dute gaur 20 boluntario inguruk. Iñaki Iraola eta Laura Daquinta taldekideek azaldu dute materialak jarraituko duen bidea, honako bideoan. 

2-dean B-rotuz taldeko kideak erabat eskertuta daude herritarren erantzunarekin. Gerretatik ihesi dabiltzan errefuxiatuentzako neguko materiala jasotzeko deialdi espontaneoa egin ondoren, erantzuna berehalakoa eta demasekoa izan da: bi trailer bete dituzte. Kontuan hartu beharra dago, baliabide faltagatik, bilketa aurreikusitakoa baino lehen amaitu behar izan dutela. Elgoibarko eta inguruko herrietako 25 denda eta tabernatan itsulapikoak jarri zituzten garraio gastuei aurre egiteko, baina logistika espero baino errazagoa izango da taldearentzat, BESAk (Bernardo Ecenarro) Azkoitiko pabilioia lagakoko baitio material guztia ganoraz sailkatu eta antolatzeko. Era berean, Elgoibarren sortutako enpresa horrek bere gain hartuko ditu garraio gastu guztiak.

•59 boluntario

Itsulapikoak oraindik zabaldu ez badituzte ere, jasotako dirua errefuxiatuen beharretara bideratuko dutela aurreratu dute. Datozen egunotan argituko dute bildutako diru kopurua, eta nora bideratuko duten. Guztira 59 boluntariok parte hartu dute errefuxiatuentzako material bilketan, nahiz eta jende gehiagok ere bere burua eskaini. Elkartasuna Elgoibartik eta Mendarotik ez eze, Euskal Herri guztitik etorri da.

Taldeak oraindik balantzea egin ez badu ere, herritarren erantzuna txalotu du Laura Daquinta taldekideak. “Jendearen laguntzeko asmoa ikaragarria da. Kaleko jendeak beste mundu bat nahi dugu, baina politikariak beste nonbait bizi dira. Ikusiko dituzte mugimendu hauek”, adierazi du. “Ikaragarria izan da”, gaineratu du. Udalaren erantzuna ere ona izan dela gaineratu du.

2016 01 29 bidean berotuz trailerrerako prestatzen3

2016 01 29 bidean berotuz trailerrerako prestatzen

2016 01 29 trailerrabetetzen2a

2016 01 29 trailerra betetzen1

Sanbartolomeak2019

 

Elgoibarko Izarra

elgoibarkoizarra-logoa-irudia

Gida komertziala

Gida komertziala 2018

Bideoak

Barren astekaria

ePosta harpidetza