2013an egin zuten era honetako aurreneko bazkaria, Sigmako eskolak 50 urte bete zituela ospatzeko. Handik bost urtera ere errepikatu zuten bazkaria eta baita aurten ere. "Oso ondo pasa genuen aurrekoetan, eta ondo funtzionatzen duenari eutsi egin behar zaio. Leku askotariko jendea etortzen da, urrunetik ere bai batzuek, han eta hemen bizi baikara Sigmako eskolan ikasitakoak. Hortaz, elkarri kontatzeko kontu asko izaten dugu", azaldu dute antolatzaileek.
Auzoko frontoian bazkaldu zuten aurtengoan eta giro ederra sortu zela azaldu dute.
• Pilota txapelketako finalak, uztailaren 25ean
Bi urtean jokatu gabe egon ostean, Sigmako Pilota Txapelketa antolatu du berriro ere Eulogio Estarta Elkarteak, Alcorta Forging Group enpresaren babesarekin eta Lagunak Pilota Eskolakoen laguntzarekin. Txapelketaren 40. ekitaldia da aurtengoa. Lehen mailako eskuz binakako txapelketan sei bikote aritu dira lehian azken asteetan, eta lau bikotek hartu dute parte beteranoen mailako txapelketan. Horiez gain, emakumezkoen binakako pala txapelketa antolatu dute aurten estreinakoz eta lau bikote ibili dira lehian.
Santiago Egunean, uztailaren 25ean jokatuko dituzte Sigmako pilota Txapelketako finalak, 11:30etik aurrera. Eskuz binakako lehen mailako finalean Txurruka IIk eta Berguak Konde eta Agirrebeñaren aurka jokatuko dute. Beteranoetan, beriz, Berazak eta Telleriak Madariaga eta Zubiria izango dituzte aurkari. Azkenik, pala txapelketan Sonia Tomas eta Iratxe Astigarraga, batetik, eta Maria Badiola eta Yolanda Mateos, bestetik, ailegatu dira finalera.
Ohi duten moduan, Eulogio Estarta Elkarteak doako luntxa eskaini die frontoira hurbilduko diren lagunei.
∞Lotura duten albisteak:
- Herri bazkaria eta pilota txapelketetako finalak, Sigman (2022-07-21)
- Txurruka anaiak eta Telleria-Beraza bikoteak txapeldun Sigmako Pilota Txapelketan (2018-07-14)
- Sigmako auzotarrak ospakizun bazkari bat egiteko batuko dira berriro ere (2018-06-05)
- Aurten ez dituzte Sigmako jaiak ospatuko eta pilota txapelketa ere bertan behera laga dute (2017-06-28)
- Sigmako bizilagunek auzoko festak ospatuko dituzte asteburuan (2015-07-24)
- Santiago festak indarberrituta datoz Sigma auzora (2014-07-22)
- Sigmako eskola zaharberritu dute auzotarrek eta Udalak elkarlanean (2014-05-07)
- 241 lagun batu ziren Sigman, garai zaharrak gogoan (2013-07-26)