Bakean eta bizikidetzan sakontzeko jardunaldi batzuk antolatu ditu Elgoibarko Udalak datozen egunetarako. Urtarrilaren 27an, eguaztena, hasiko dira jardunaldiak 'Glencree' dokumentalarekin. Kultur Etxean. Marixabel Lasa eta Eduarne Brouard hizlariekin mahai-ingurua egingo dute emanaldiaren ostean.
Ikuspegi politiko ezberdinak dituzten pertsonek besteen mina ulertu eta berradiskidetze prozesu bati ekiteko urratsa ematen dutela ikus daiteke 'Glencree' ikus-entzunezkoan. Dokumentalaren ostean, mahai-ingurua izango da, Marixabel Lasa eta Eduarne Brouard hizlariekin. Ekitaldi hau Kultur Etxean izango da, 19:00etatik aurrera.
Urtarrilaren 28an, berriz, 'Invictus' filma eskainiko dute Elgoibarko Herriko Antzokian, 21:30etik aurrera. Clint Eastwoodek 2009an zuzendu zuen film hau benetako gertakizunetan oinarrituta dago, Hegoafrikan 1995. urtean jokatu zen Munduko Errugbi Kopan, apartheid garaiak amaitu berri-berriak zirenean, Nelson Mandelak izandako papera kontatzen da.
Otsailaren 3an, berriz, hitzaldia eskainiko du 'Memoria partekatu bateruntz', Sabino Ormazabalek Kultur Etxean. Indarkeria-ez aktiboaren bultzatzaileak Errenteriako esperientzia azalduko du, Kultur Etxean 19:00etatik aurrera.
