Martxoaren 23an, Elgoibarren bildutako 5.501 sinadura aurkeztu zituen Legebiltzarrean 24/7 Plataformak, Elgoibarko anbulatorioan larrialdi zerbitzua eta 24 orduko etengabeko arreta berreskuratzeko eskatzeko. Sinadurak erregistratzearekin batera, plataformak Legebiltzarreko Osasun Batzordean agertzeko eskaera egin zuen. Bi hilabete baino gehiago igaro dira ordutik, baina, eta erantzunik ez dutela jaso salatu dute.
Normalena dagoeneko agerraldi hori eginda egotea litzatekeela esan dute horren harira eta beldur direla "Legebiltzarrean eta batzordean gehiengoa dutenak ideien eztabaida saihesten" ari ote diren. Esan dute herritar asko ari zaizkiela gerturatzen sinadurekin zer gertatu den galdezka, baina nabarmendu dute erantzunik ez dutela eurek. Hala ere, azpimarratu dute borrokan jarraituko dutela 5.501 herritarrek adierazitako borondatea errespeta dadin.
Lotura duten albisteak:
- 24/7 plataformak legebiltzarrera eraman ditu 5.501 elgoibartarren sinadurak (2022-03-23)
- 24/7 plataformak eskatu du alderdi politikoek ez eztabaidatzea anbulatorioko egoeraren harira (2022-03-16)
- Anbulatorioaren zerbitzuak aurrez aurre jarri ditu EAJ eta EH Bildu (2022-03-11)
- Anbulatorioa 24 orduz zabaltzeko eskatzeko batutako sinadurak aurkeztu dituzte Udalean (2022-02-04)
- 5.501 sinadura bildu dituzte, anbulatorioa 24 orduz zabaltzeko eskatzeko (2021-12-27)