Iban Muruak hartu zuen hitza Iratzargailua taldearen izenean, eta taldea aurkeztuz hasi zuen berbaldia. Elgoibarko eta Mendaroko herritarrak batu ostean sortu dutela taldea esan zuen, "bakar bakarrik informazioa zabaltzeko". Telegram doako albiste-kanalean Iratzargailua izenarekin kanala ireki dutela ere azaldu zuen, non alor desberdinetako adituen iritziak, artikuluak eta bideoak argitaratzen dituzten, "herritarrek informazo iturri ofizialetatik harago informazioa izan dezaten. Informazio hori, oro har, gutxietsia, isildua edo manpulatua izaten ari baita komunikabide ofizaletan".
Taldea iritzi eta ideologia askotariko jendez osatua dagoela zehaztu zuen, txertatuak eta txertatu gabeak daudela taldean, eta batzen dituena elkarrekiko errespetua dela. "Argi daukaguna da ziurtagiria herritarrak kontrolatzeko sortu den neurri diskriminatzailea dela, osasunarekin zerikusirik ez duena; agintarie gure osasuna ez zaie batere axola. Beti agerikoa izan bada ere, botereak lotsarik gabe bistaratzen du orain nola jokatzen duen, beldurra, gezurrak, mehatxuak eta inposizioa erabiliz, asmo bakar batekin, gizartea zatitzea.
Bizitza plataformak deituta gaur, hilak 22, Bilbon egitekoak diren manifestazioan parte hartzera animatu zituen herritarrak. Elgoibartik joateko autobusa antolatu dute.
∞Lotura duten albisteak:
- COVID-19 pasaportearen aurkako kontzentrazioa egingo dute barikuan, Kalegoen plazan (2022-01-19)
- Auzitegi Nagusiak leku itxietan COVID ziurtagiria ezartzeko baimena eman du (2021-12-14)
- Osasun larrialdi egoera ezarriko du Jaurlaritzak, Gorenak Covid ziurtagiria eskatzea baimendu eta gero (2021-11-30)