Gizartea

barren.eus-logoa

Tokikom

 

 
 

2021 12 13 elgoibar herritarrak kaleanAbenduaren 9tik 12ra bitartean eginiko probetan 42 koronabirus positibo atzeman dituzte Elgoibarren, eta 944ra igo da intzidentzia-tasa.

Edonola ere, Debabarrena bailarako (1.257) eta Gipuzkoako (1.428) intzidentzia-tasaren azpitik dago Elgoibarkoa, gaur gaurkoz. Baita Mendarokoa ere. Azken lau egunetan 11 kasu positibo berri baieztatu dituzte Mendaron, eta 1.087,47koa da 100.000 biztanleko hamalau eguneko intzidentzia tasa. Joan den eguenetik hona 331 puntu egin du gora intzidentziak Mendaron.

Abenduaren 9tik 12ra bitarteko COVID-19 kasu positiboak, Debabarreneko herrietan:

  • Deba +56 (14 8 6 4) 2.218,96ko intzidentzia-tasa
  • Eibar +138 (32 36 34 36) 2.041,93
  • Ermua +70 (16 16 25 13) 1.529,43
  • Mallabia +5 (2 1 2 0) 1.260,50
  • Mutriku +18 (7 3 6 2) 1.147,91
  • Mendaro +11 (4 2 4 1) 1.087,47
  • Elgoibar +42 (11 11 13 7) 944,54
  • Soraluze +7 (1 3 2 1) 830,40
  • GIPUZKOA +3.324 (836 1056 758 674) 1.428,40

 • Ospitaleetan goranzko joera
Seigarren olatua deitzen diotenaren eragina gero eta nabarmenagoa da ospitaleetan. Duela astebete, COVID-19ak jotako 266 lagun zeuden Arabako, Bizkaiko eta Gipuzkoako ospitaleetan, eta 338 dira gaur. ZIUetan, berriz, 70 zeuden joan den astelehenean, eta 91 daude gaur. ZIUei dagokionez, 73 dira zainketa intentsiboa behar duten herritarrak, pasa den eguenean baino 19 gehiago. Osakidetzaren ardurako erietxeetan ZIUetako oheen %31 COVID-19 pazienteek hartuta daude. Hego Euskal Herrian 465 lagun daude koronabirusagatik ospitaleratuta; horietatik 113 ZIUetan.
Gotzone Sagardui Osasun sailburuak onartu du birusaren zabalkundeari dagokionez, "garairik txarrenetariko batean" gaudela, eta eta egoerak hobera egiteko "aurreikuspenik" ez dagoela. Sagarduik adierazi du osasun sisteman egoerak ekarritako "presioa" igartzen ari dela.

Jaurlaritzak jakitera enman duenez, azken astean 19 pertsona hil dira covid-19agatik, aurreko asteko kopuru bera.

Hego Euskal Herriko 205 ikastetxeean 418 ikasgela daude itxita koronabirusagatik, joan den barikuan baino hamazazpi gehiago. Izan ere, birusa txikienei ari zaie erasaten bereziki, Araban, Bizkaian eta Gipuzkoan, 2.522 kasukoa baita intzidentzia 6-12 urteko umeen artean.

2021 12 13 korodata elgoibar abenduak12ra

2021 12 13 korodata mendaro abenduak12ra

∞Lotura duten albisteak:

Elgoibarko Izarra

elgoibarkoizarra-logoa-irudia

 

Gida komertziala

Gida komertziala 2018

Bideoak

Barren astekaria

ePosta harpidetza