Eusko Jaurlaritzaren Osasun Sailak emandako datuen arabera, azken hiru egunetan egindako PCR eta antigeno probetan 19 elgoibartarrek (astelehenean 5ek, martitzenean 11k eta eguaztenean 3k) eman dute positibo eta 753,90koa da 100.000 biztanleko hamalau eguneko intzidentzia tasa. Joan zen astelehenean 805,89an zegoen; hortaz, 52 puntu egin du behera. Eskualdean, baina, guztiz alderantzizkoa da joera, gorantz jarraitzen baidute herri guztietako intzidentzia-tasek. Eibarkoak, esaterako 335 puntu egin du gora hiru egunetan eta Debakoa zein Soraluzekoa ia bikoiztu egin dira. Mendaron antzera mantendu da intzidentzia tasa, baina bost koronabirus jasu atzeman dituzte astelehenetik eguaztenera. Oro har, 286 kasu positibo zenbatu diotuzte eskualdean, joan zen asteko astelehen, martitzen eta eguazteneko atzemandako kasuen baturak 182 ematen zuen, 64 kasu gutxiago, alegia.
Azaroaren 29tik abenduaren 1era bitarteko COVID-19 kasu positiboak, Debabarreneko herrietan:
- Mallabia +3 (1 2 0) 2100,84
- Mendaro +5 (0 4 1) 1229,31
- Eibar +133 (50 41 42) 1594,23
- Ermua +48 (18 15 15) 1092,45
- Mutriku +10 (3 4 3) 865,64
- Deba +23 (7 6 10) 843,57
- Elgoibar +19 (5 11 3) 753,90
- Soraluze +5 (0 4 1) 327,13
- Gipuzkoa +2.104 (670 719 715) 966,33
Araban, Bizkaian eta Gipuzkoan 13.425 test egin zituzten atzo, eta horietatik 1.361ek eman zuten positibo. Adin-tarteei dagozkien intzidentziei erreparatuta, 18 urtera artekoen tasa da altuena eta 40-59 urte artekoena ondoren doana.
Erietxeetako egoera okertzen doa pixkanaka. Duela hamar egun, Osakidetzaren zentroetan 168 lagun zeuden ospitaleratuta eta 31 zeuden Zainketa Intentsiboen Unitateetan (ZIU). Orain, berriz, 207 daude ospitaleratuta, eta 55 daude ZIUetan.
∞Lotura duten albisteak:
- Azken lau egunetan 28 koronabirus kasu berri zenbatu dituzte Elgoibarren eta lau Mendaron (2021-11-29)
- Hiru egunetan hamar positibo zenbatu dituzte Mendaron eta hamahiru Elgoibarren (2021-11-25)
- Astebetean bikoiztu egin dira positiboak Elgoibarren, eta 641,25ean dago intzidentzia-tasa (2021-11-22)
- Koronabirusa: Elgoibar eta Mendaro eremu gorrian daude, 450,61eko eta 614,66ko intzidentzia-tasarekin (2021-11-18)
- 150tik gorako intzidentzia metatua duten herrietan aplikatuko dituzten neurriak jakinarazi ditu Jaurlaritzak (2021-11-16)
- Eremu laranjan sartu da Elgoibar, eta Mendaron ere nabarmen egin du gora intzidentzia-tasak (2021-11-15)
- Osasun larrialdia indargabetu du Jaurlaritzak eta LABIren Aholku Batzordea desegin egingo da (2021-10-05)