Elgoibarren 28 koronabirus kasu atzeman dituzte azken lau egunetan: 10 eguenean, 10 barikuan, 6 zapatuan eta 2 domekan. Intzidentzia tasak 78 puntu egin du gora ostegunetik hona, eta 805,89ekoa da gaur gaurkoz. Mendaron lau koronabirus kasu baieztatu dituzte antigeno eta PCR probetan, baina zertxobait behera egin du intzidentziak: 1.323tik 1.183ra. Intzidentzia-tasa jaitsi den eskualdeko herri bakarra da.
Azaroaren 25etik 28ra bitarteko COVID-19 kasu positiboak, Debabarreneko herrietan:
- Mallabia +7 (2 3 1 1) 2100,84ko intzidentzia-tasa
- Mendaro +4 (3 1 0 0) 1182,03
- Ermua +63 (10 11 18 24) 1017,54
- Eibar +139 (36 46 35 22) 1259,37
- Mutriku +23 (4 10 6 3) 846,82
- Elgoibar +28 (10 10 6 2) 805,89
- Deba +12 (2 2 4 4) 458,46
- Soraluze +4 (1 3 0 0) 201,31
- GIPUZKOA +2002 (676 536 415 375) 807,26
471,56 da Arabako, Bizkaiko eta Gipuzkoako intzidentzia tasa orokorra (duela astebete 321,59koa zen). Domekan 6.389 proba egin zituzten hiru lurralde horietan, eta 663 positibo zenbatu; hau da, proba egin zuten herritarren %10,4k eman zuten positibo. Nafarroan 202 lagunek eman zuten positibo atzo, domeka, egindako 2.056 probetan.
Ospitaleetan, pixkanaka bada ere, hasiak dira kutsatze datuen eragina nabarmentzen. Osakidetzaren erietxeetan 214 lagun daude ospitaleratuta COVID-19aren eraginez, azaro erdialdean baino 100 gehiago. Gainera, 47 pertsona daude Zainketa Intentsiboen Unitatean (ZIU). Gotzone Sagardui Osasun sailburuak joan den astean ohartarazi zuen ZIUetan 50 gaixo eduki bitarte ez zuela osasun larrialdia ezarri beharra aurreikusten. Adierazpen horien inguruko zehaztapena egin du gaur Radio Euskadiko Boulevard saioan egin dioten elkarrizketan eta esan du "agian" ZIUetan 50 gaixo eduki baino lehen ezarri beharko dutela osasun larrialdia.
Nafarroan, Osasunbidearen erietxeetan, 80 lagun daude ospitaleratuta, eta hamahiruk behar dituzte zainketa bereziak.
Hildako kopuruan ere igoera egon da: 24 gaixo hil dira COVID-19 gaitzak jota Hego Euskal Herrian, joan den astean baino bederatzi gehiago.
Ikastetxeetan ere agerikoak dira birusaren ondorioak eta 280 ikasgela daude itxita koronabirusagatik Hego Euskal Herrian, aurreko barikuan zeudenak baino 23 gehiago.
∞Lotura duten albisteak:
- Hiru egunetan hamar positibo zenbatu dituzte Mendaron eta hamahiru Elgoibarren (2021-11-25)
- Astebetean bikoiztu egin dira positiboak Elgoibarren, eta 641,25ean dago intzidentzia-tasa (2021-11-22)
- Koronabirusa: Elgoibar eta Mendaro eremu gorrian daude, 450,61eko eta 614,66ko intzidentzia-tasarekin (2021-11-18)
- 150tik gorako intzidentzia metatua duten herrietan aplikatuko dituzten neurriak jakinarazi ditu Jaurlaritzak (2021-11-16)
- Eremu laranjan sartu da Elgoibar, eta Mendaron ere nabarmen egin du gora intzidentzia-tasak (2021-11-15)
- Osasun larrialdia indargabetu du Jaurlaritzak eta LABIren Aholku Batzordea desegin egingo da (2021-10-05)