Gizartea

barren.eus-logoa

Tokikom

 

 
 

2021 11 25 azaroak25 elgoibar kandelak barren 2019Azaroaren 25ari lotutako hainbat ekintza egin dituzte astean zehar Elgoibarren zein Mendaron eta gaur, Indarkeria Matxistaren Aurkako Nazioarteko Eguna izaki, emakumeekiko edozein indarkeria mota desagerrarazteko aldarrikapena kalera aterako dute.

Elgoibarko Udaleko Osoko Bilkurak Emakumeenganako Indarkeriaren Kontrako Egunari lotutako adierazpen Instituzionala onartu zuen atzo, eta horri lotuta hainbat konpromiso hartu zituen Udalak. Besteak beste, indarkeria bikarioa agerian jartzea, adingabeak babestea, biktimen eskubideak eta haien ahalduntzea erdigunean jartzea. Azken batean, Udalak borroka feministaren aldeko konpromisoa berretsi du, eta horretarako hainbat ekintza egin dituzte astean zehar.

2021 11 25 murala eskola umeen marrazkiak azaroak25

Aita Agirre kulturgunean eskola-umeen marrazkiak jarri dituzte, hitzaldiak egon dira eta gaur, elkarretaratzea eta manifestazioa egingo dituzte artatsaldean, Uluka batukadaren doinuek lagunduta. Hona egitaraua:

  • 19:00 Manifestazioa. Maalatik Kalegoen plazara.
  • 19:15 Elkarretaratzerako hitzordua Gaztelekukoentzat, Aita Agirre plazan.
  • 19:30 Elkarretaratzea Kalegoen plazan. Manifestua irakurri ostean, manifestazioa egingo dute San Bartolome kalean behera, indarkeria matxistaren kontagailua dagoen paretik pasa ostean Aita Agirreko arkupeetaraino joango dira.

Mendaron ere kontzentrazioa egingo dute 19:30ean, Herriko Enparantzan. Ludotekan, berriz, Emakumeen gynkana eta zapata gorriak plazara ekimena egingo dute. Eta, zapatuan, azaroaren 27an, Evaren alabak antzerkia taularatuko dute San Agustin Kulturgunean, 19:00etan.

∞Lotura duten albisteak:

 

 

Elgoibarko Izarra

elgoibarkoizarra-logoa-irudia

Gida komertziala

Gida komertziala 2018

Bideoak

Barren astekaria

ePosta harpidetza