Gizartea

barren.eus-logoa

Tokikom

 

 
 

2021 10 28 hil aurretik nahidut murala 2020 elgoibarAzaroaren 2tik 12ra bitartean egingo dute ‘Heriotzari bizia ematen’ ekimenaren bigarren ekitaldia, eta hiru ekintza prestatu dituzte.

Elgoibarko Udalak, Almaur (Hazkunde, Topaketa eta Bilakaerarako Elkartea), Elgoibar Lagunkoia eta Morkaiko Mendizale Elkartearekin elkarlanean ‘Heriotzari bizia ematen’ ekimena jarri du abian, bigarren urtez jarraian.

Elgoibarko alkate Ane Beitiak azaldu duenez, komunitate edo gizarte batek heriotzarekin duen lotura galtzen duenean, beldurra, tristura eta dolu-prozesu zailak izaten dira ondoren. Helburua da, aste honekin, eta aste hori baino harago, herritar guztiengana iristea eta bizitzaren amaiera testuinguru errukiorrago batean kontuan hartzera gonbidatzea. Herritarrei lagundu, babestu eta errealitate aukera berri bat zabaldu nahi diegu; finean, informazioa eskaini”. 
Hiru ekintza antolatu dituzte aurtengorako:

  1. Iaz hasitako bidetik, azaroaren 2tik 12ra, “Hil aurretik nahi dut…” izeneko mural parte-hartzaile bat jarriko dute Aita Agirre kulturguneko sarreran. Beren bizitzei buruz hausnartzera eta beren asmo pertsonalak jendaurrean partekatzera animatu dituzte herritarrak.
  2. “Aulki Hutsak” dokumentala + Hausnarketa saioa. Heriotzari eta doluari buruzko dokumentala da, gure gizartean ia tabua den gai horri buruzkoa, eta izenburutik aurrera honako galdera hau botatzen du airera: zer gertatzen da nahi dugun pertsona hori hiltzen denean? Dokumentalak hildako pertsonen profesionalak, senideak eta lagunak biltzen ditu. Azaroaren 10ean izango da 18:00etan Kultur Etxeko hitzaldi gelan.
  3. “Mendian Hil Hirian Hil” dokumentala + Iñaki Peña zuzendariari elkarrizketa. Gogora al daiteke hildako maite bat oroitzapenak sufrimendu jasanezina sortu gabe? Maite dugun pertsonaren heriotza eta oroitzapena, galerak eragindako sufrimendua gainditzea eta etorkizunak eragindako itxaropena dira dokumental horren osagaiak. Azaroak 12an izango da 21:00etan Herriko Antzokian, Morkaikok antolatu duen Mendi Tour ekimenaren barruan.

 • Heriotzari bizia ematen" jaialdia
Ildo beretik, "Heriotzari bizia ematen" jaialdia antolatu dute www.dandovidaalamuerte.org plataformaren baitan dauden espainiar estatuko hainbat elkartek, tartean Almaur elkarteak. Hori, azaroaren 1etik 7ra bitartean egingo dute, eta Elgoibarko Udalak telematikoki parte hartzera gonbidatu ditu herritarrak.  

2021 10 28 heriotzari bizia ematen kartela elgoibar

Elgoibarko Izarra

elgoibarkoizarra-logoa-irudia

 

Gida komertziala

Gida komertziala 2018

Bideoak

Barren astekaria

ePosta harpidetza