Datozen greba egunak girotze aldera, elkarretaratzeak egin zituzten joan den barikuan, urriaren 22an, Gipuzkoako adineko egoitzetako hogei zentro baino gehiagotako atarietan, hiru urte luzez greban izan ondoren, euren egoera gero eta gordinagoa dela salatzeko.
Sindikatuek adierazi dutenez, urteak daramazkite sektoreko errealitatea zein den salatzen, baina, erakunde eta enpresen jarrera ikusita, "badirudi gatazka langile, egoiliar eta hauen senideena dela soilik. Baina guk zerbait argi badugu honakoa da: egoera honek jendarte guztiari eragiten diola”, dio LAB sindikatuak.
Aldundiak egungo ereduaren defentsa "sutsua" egiten segitzen duela salatu du ELA sindikatuak, azken asteotan erresidentzietako "errealitate gordina" berriro azaleratu bada ere: "Markel Olano Aldun Nagusiak bi egoliarreko langile bat dagoela esan arren, langile bat hamahirurentzako daudela ikusi da, egoiliarrak 14 orduz izaten dira ohean eta jan gabe, erizaintza zerbitzurik ez dago bermatua". Horren aurrean, eta Aldundiak dagokion ardura hartu ezean, erresidentzietako beharginek mobilizatzen jarraituko dutela esan dute.
Helduen egoitzetako sektorea zaintzan oinarrituta dagoela gogora ekarri du LABek; jendarte honetako menpekotasuna duten pertsonei zuzenduta dagoela, hain justu; eta, diru publikoarekin finantzatzen dela. "Bada, pandemiaren eraginez bizi dugun krisiak modu gordinean utzi ditu agerian helduen egoitzetako gabeziak, berriak ez direnak. Langileak euren osasuna lanean uzten ari dira, modu prekarioan lan egiten dute, eta ordainetan, sektoreko arduradun Gipuzkoako Foru Aldundiak ez du egoera aldatzekoinongo asmorik erakutsi", adierazi dute.
∞Lotura duten albisteak:
- Adinekoen egoitzetako langileek greba eguna dute gaur eta bihar ere egingo dute (2021-09-23)
- Grebara deitu dute ELAk eta LABek Gipuzkoako adinekoen egoitzetako egoera salatzeko eta lan baldintzak hobetzea eskatzeko (2021-05-17)
- Grebara jo dute berriz adinekoen egoitzetako beharginek eta lanuzteak egin dituzte atzo eta gaur (2020-12-11)
- Berriro grebara jo dute zahar etxeetako beharginek, eta kalera protestan irten dira Elgoibarren (2020-10-06)
- San Lazaro egoitzako langileei eskerrak emateko batu dira hainbat herritar egoitza aurrean (2020-06-15)
- Monika Masa: “Pozik gaude San Lazaron bisitak berreskuratzeko, baina tentuz jokatu behar dugu” (2020-06-05)
- BIDEOA: San Lazaro egoitzako egoiliarrek itxaropen mezua zabaldu dute (2020-04-14)
- Zahar-etxeetako langileen martxa Elgoibartik pasa da (2019-10-16)
- San Lazaro egoitzakoen protesta agintarien aurrean (2019-10-04)
- San Lazaro egoitzakoek hilabeteko beste greba bat hasiko dute irailaren 19an (2019-09-05)
- Zahar etxeetako grebalarien eskualdeko martxa egin dute Eibartik Elgoibarrera (2019-06-27)
- San Lazaro egoitzako langileek egun osoko kanpaldia egingo dute Maalan (2019-06-19)
- Informazio osoagoa BARREN aldizkariko 1116. zenbakian, San Lazaroko hiru langileri eginiko elkarrizketan