Gizartea

barren.eus-logoa

Tokikom

 

 
 

2021 10 13 hildako emakumeak kopuruaAtzo goizaldean 42 urteko gizon batek 37 urteko emakumea, bere bikotekidea, hil zuen Gasteizko Sansomendi auzoan. Hilketa matxista hori salatzeko eta gaitzesteko elkarretaratzera deitu dituzte mendaroarrak zein elgoibartarrak gaur arrasalderako.

Mendaron, 19:30ean batuko dira udaletxe aurrean, Mendaroko Tratu Onen Aldeko Taldeak deituta, "Erantzunik gabeko erahilketa gehiago ez" lelopean. Taldetik gogora ekarri dute 66 emakume hil dituztela 2021ean, indarkeria matxistaren eraginez.

Elgoibarko elkarretaratzea 19:00etan izango da, Kalegoen plazan. Euskal Herriko Emakumeon Mundu Martxak deitu du, "Eraso sexistarik ez! autodefentsa feminista! leloarekin.
Atzoko gertakaria dagokionez, gizon batek 37 urteko bere emaztea hil zuen eta bere buruaz beste egin zuen gero emakumearen 13 eta 17 urteko bi semeak etxean bertan zirela. Ertzaintzak jakinarazi duenez, bikotearen semeek deitu zuten larrialdi zerbitzuetara goizeko 7:15 aldean.

2021 10 13 hilketa matxista elkarretaratzea elgoibar kartela

 

 

Elgoibarko Izarra

elgoibarkoizarra-logoa-irudia

Gida komertziala

Gida komertziala 2018

Bideoak

Barren astekaria

ePosta harpidetza