Mendar Ikastolak eta Arno Guraso Elkarteak antolatu dute tailerra, programa zabalago baten barruan. Urriaren 4an eta 5ean, eskolan bertan landuko dute gaia LH4, LH5 eta LH6ko ikasleek Miren Rosekin, eta urriaren 14an, osteguna, gurasoentzako tailerra izango da (Mendarotik kanpokoei ere zabaldu diete parte hartzeko deia). Miren Ros Aiartzaguenak (Eibar, Gipuzkoa, 1975) ‘Gure aukera, guk 16’ taldea sortu du Zarauzko Kurutziaga ikastolako beste lau gurasorekin batera, 16 urte bete arte seme-alabei sakelako telefonorik ez erosteko ituna eginda, eta egitasmo horren inguruan ere jardungo dira Mendaron. Informazioa jaso, kontzientziak piztu eta hausnarketa bultzatu nahi dute, baina baita erabakiak hartu ere.
Udaletxeko Otarre aretoan izango da tailerra, urriaren 14an, 18:00etan hasita, eta parte hartzeko izena eman behar da ondorengo posta elektronikora mezua idatzita: arnoformakuntza@gmail.com.
