Bigarren egunez jarraian ez dute kasu positiborik atzeman Elgoibarren eta 303,29ra jaitsi da intzidentzia-tasa. Era berean, Mendaron ere ez dute positibo berririk zenbatu, laugarren egunez jarraian.
Hona Debabarrenako atzoko (irailak 15) datuak, herriz herri:
- Mutriku +1 (319,91ko intzidentzia-tasa)
- Elgoibar +0 (303,29)
- Mendaro +0 (283,69)
- Mallabia +0 (168,07)
- Eibar +8 (163,79)
- Ermua +4 (143,58)
- Soraluze +0 (125,82)
- Deba +0 (91,69)
- GIPUZKOA +64 (152,82)
Atzo 7.668 proba diadnostiko egin zituzten Hego Euskal Herrian, eta horietatik 264k eman zuten positibo; %3k baino zertxobait gehiagok. erenegun baino 24 positibo gehiago diren arren, egoerak nahiko bare jarraitzen du, egonkor. Lurraldeka, Bizkaian baieztatu dituzte kasu berri gehien: 131. Gipuzkoan 64 izan dira, Nafarroan 49 eta Araban hemezortzi.
Uneotan COVID-19ak jotako 218 lagun daude Osakidetzaren mendeko zentroetan, horietatik 52 Zainketa Intentsiboen Unitateetan (ZIU). Araban, Bizkaian eta Gipuzkoan 40 lagun ospitaleratu zituzten atzo, eta Nafarroan bat bera ere ez.
• 45 hildako azken astean
Atzematen dituzten positiboen kopurua eta positiboasuna apaltzen ari bada ere, heriotzen datuak gora egin du. Azken astean, irailaren 6tik 12ra, COVID-19arekin positibo emandako 45 lagun zendu dira Hego Euskal Herrian (44 lagun hil ziren Araban, Bizkaian eta Gipuzkoan eta lagun bat Nafarroan). Hala, aurreko astean baino hamar lagun gehiago dira hildakoak.
Pandemia hasi zenetik 5.903 lagun hil dira koronabirusa harrapatuta (4.669 EAEn eta 1.234 Nafarroan).
Beheko grafikoan EAEko heriotzen datuak ageri dira, adin-tarteetan banatuta:
∞Lotura duten albisteak:
- Hiru koronabirus kasu atzeman zituzten atzo Elgoibarren; hamahiru eskualdean (2021-09-14)
- Asteburuan bost positibo berri atzeman dituzten arren eremu gorritik irten da Elgoibar (2021-09-13)
- Asteon 16 positibo atzeman dituzte Elgoibarren, eta 400eko langatik gora jarraitzen du intzidentzia-tasak (2021-09-10)
- 11 positibo atzeman zituzten Atzo Elgoibarren, eta 500eko langa gainditu du intzidentzia-tasak (2021-09-09)
- Eremu gorrian dauden Gipuzkoako hiru herrietako bat da Elgoibar (2021-09-06)
- 18 kasu positibo zenbatu dituzte asteon Elgoibarren (2021-09-03)
- Abuztuan 84 kasu positibo atzeman zituzten Elgoibarren eta 11 kasu Mendaron (2021-09-01)
- 26 kasu positibo baieztatu dituzte asteon Elgoibarren; lau Mendaron (2021-07-30)
- Hamar positibo berri Elgoibarren eta 900eko langa gainditu du intzidentzia-tasak (2021-07-29)
- Hamabi positibo atzeman zituzten atzo Elgoibarren, eta bat Mendaron (2021-07-28)
- Kasu positibo bana atzeman dituzte Elgoibarren eta Mendaron (2021-07-27)
- Elgoibarren 24 kasu positibo baieztatu dituzte asteburuan, eta bost kasu Mendaron (2021-07-26)
- Hogei kasu positibo baieztatu zituzten atzo Elgoibarren eta lau Mendaron (2021-07-23)
- Hamar koronabirus kasu zenbatu zituzten atzo Elgoibarren (2021-07-22)