Intzidentzia-tasa 242,63koa da orain Elgoibarren. Eskualdean 36 koronabirus kasu atzeman zituzten atzokoan, Eibarren eta Mutrikun gehienak. Gipuzkoak 500eko langa gainditu du, 509,95ko intzidentzia-tasarekin, eta lurraldeko hamazortzi herri handik -5.000 biztanletik gorakoak- gainditzen dute 400eko langa, aurreko egunean baino bi herri gehiagok, alegia. Era berean, erkidegoko intzidentzia-tasak ia 38 puntu egin ditu gora, eta batez bestekoa 415,55era iritsi da, eremu gorrira.
Hona Debabarrenako atzoko (uztailak 13) datuak, herriz herri:
- Soraluze +0 (1384,00ko intzidentzia-tasa)
- Mutriku +10 (903,27)
- Mallabia +1 (756,30)
- Eibar +17 (258,43)
- Elgoibar +4 (242,63)
- Deba +2 (146,71)
- Ermua +2 (112,37)
- Mendaro +0 (94,56)
- GIPUZKOA +502 (509,95)
Hego Euskal Herrian 15.209 PCR eta antigeno proba egin zituzten atzo, uztailak 14. Horietatik 1.825ek izan zuten emaitza positiboa. Lurraldez lurralde, Nafarroan zenbatu dute kasu kopuru altuena (608), eta gero, Bizkaian (511), Gipuzkoan (502) eta Araban (154). Osasun Sailak eta Osasunbideak emandako datuen arabera, Araban, Bizkaian eta Gipuzkoan % 10,6koa da positibotasun tasa. Horrek esan nahi du proba egin zuten hamar lagunetik batek positibo eman zuela atzo. Nafarroan % 16,2koa da positibotasuna.
Gaixotasunaren oinarrizko birsorkuntza tasa edo R0 indizea gora egiten hasi da berriz, eta 1,36koa da egun –1,31koa zen atzo–. Araba, Bizkai eta Gipuzkoako intzidentzia tasa, bestalde, 415,55ekoa da egun.
Ospitaleetako egoerari dagokienez, 31 lagun ingresatu zituzten atzo Osakidetzaren mendeko erietxeetan, eta guztira 126 lagun daude erietxeetan; horietatik 28 daude ZIUn –aurreko egunean baino bi pertsona gehiago–. Debagoieneko ospitalean berriz, bi pertsona daude ingresatuta.
∞Lotura duten albisteak:
- Beste sei kasu positibo baieztatu dituzte Elgoibarren (2021-07-14)
- Elgoibarren bost positibo atzeman ditu Osasun Sailak azken orduetan, eta 190,64era igo da intzidentzia-tasa (2021-07-13)
- Bi positibo baieztatu dira asteburuan Elgoibarren eta beste bat Mendaron (2021-07-12)
- Beste bi positibo atzeman dituzte Elgoibarren (2021-07-08)
- Hiru positibo atzeman dituzte azken orduetan Elgoibarren eta beste bat Mendaron (2021-07-07)
- Sei positibo berri izan dira asteburuan Elgoibarren (2021-07-05)
- Eremu berdetik horira igaro da Elgoibar, asteon lau positibo atzeman ostean (2021-07-02)
- Asteburuan hiru positibo atzeman dituzte Elgoibarren eta kasu bat Mendaron (2021-06-28)