Elgoibarko Kultur Etxean egingo dute heriotzari buruz berba egiteko bigarren topaketa, ekainaren 24an, eguena, 18:30etik 20:30era.
Almalur Elkartetik (Hazkunderako Topaketa eta Bilakaera Elkartea) jakitera eman dutenez, saio hauek ez dira dolua egiteko laguntza edo terapia bat, eta helburua ez da ondorioak ateratzea. Aldiz, heriotzari buruzko gogoetak, sentipenak edota esperientziak elkarbanatzea du helburu kafe tertulia formatuan antolatzen duten Death Cafe egitasmoak. "Heriotzaz hitz egiteko lekua da, araurik eta lokarririk gabe, eta ez da derrigorrezkoa hitz egitea ere, hain zuzen ere, entzutean dago gakoa Death Cafe espazioetan. Heriotza naturalizatzen dugunean, bizitza testuinguru guztietan ospatzen dugu", azaldu dute.
Izena emateko honako telefono zenbakira deitu behar da: 627 117 819 (Iñaki).
∞Lotura duten albisteak: