Eibarren ez zuten positiborik atzeman, bigarren egunez jarraian. Soraluze, Mutriku eta Mallabian ere ez zuten positibo berririk zenbatu atzokoan. Elgoibarren, aldiz, bost COVID19 positibo atzeman zituzten. Astelehenean beste bi atzeman zituten eta bat martitzenean. Astelehenean 181,98ean zegoen intzidentzia-tasa eta 207,97ean dago orain.
Hona Debabarrenako datuak, herriz herri (maiatzaren 14tik 17ra):
- Elgoibar +5 (207,97)
- Eibar 0 (196,55)
- Deba 2 (183,39)
- Mendaro 1 (141,84)
- Ermua 1 (106,12)
- Soraluze 0 (100,65)
- Mutriku 0 (18,82)
- Mallabia 0 (0,00)
- GIPUZKOA 101 (274,69)
• Hego Euskal Herrian 412 kasu eta %3,8ko positibotasun tasa
Eusko Jaurlaritzak eta Nafarroako Gobernuak emandako datuen arabera, atzo 10.715 PCR eta antigeno test egin zituzten Hego Euskal Herrian, eta horietatik 412k eman zuten positibo; %3,8k hain zuzen. Araban, Bizkaian eta Gipuzkoan %4,2koa da tasa; Nafarroan, berriz, %2,6koa. Denak daude Osasunaren Mundu Erakundeak izurritea kontrolpean izateko ezarritako %5eko mugaren azpitik.
Lurraldeka, Bizkaian atzeman zituzten positibo gehien: 228. Gipuzkoan 101 zenbatu zituzten, Nafarroan 61 eta Araban hogei.
Atzo COVID-19ak jotako 46 lagun ospitaleratu zituzten Osakidetzaren mendeko erietxeetan eta, guztira, 374 lagun daude; horietatik 131 Zainketa Intentsiboetako Unitateetan (ZIU).
∞Lotura duten albisteak:
- Zazpi positibo atzeman dituzte Elgoibarren joan den asteburuan (2021-05-17)
- Atzo koronabirus positibo bakarra atzeman zuten Debabarrena eskualde osoan (2021-05-14)
- Bost positibo atzeman dituzte asteburuan Elgoibarren eta bat Mendaron (2021-05-10)
- Maiatzaren 9tik aurrera itxiera perimetralak eta etxeratze agindua bertan behera, eta ostalaritza 22:00ak arte zabalik (2021-05-07)
- Itxiera perimetrala eta etxeratze agindua bertan behera laga ditu EAEko Auzitegi Nagusiak (2021-05-07)
- Kutsatzeek behera egin dute asteon Elgoibarren eta Mendaron ere (2021-05-07)
- 400eko langatik behera jarraitzen dute Elgoibarrek eta Mendarok, itxiera perimetralik gabe hortaz (2021-05-03)
- Koronabirusa: 400eko langatik behera amaitu du astea Elgoibarrek (2021-04-30)