Guztira, 28 erakusmahai izan dira azokan. 25 bigarren eskuko produktuak azokaratu dituztenenak eta beste hiru herriko saltokietakoenak: Galle-Tiak eta Saint Gerons gozogintzakoak eta Leire jantzi denda. Era berean, Udalak, udaberriko merkataritza kanpainako sariak ere zozkatu ditu. Tokiko merkataritza eta kontsumoa bultzatzeko eta suspertzeko antolatu dute zozketa. Herriko hamahiru saltokik parte hartu dute kanpainan: Galle-Tiak, Farmaziak, Leire jantzi denda, Mari Axun, Perosanz, Puxika, Lutximak, Itxasertz, Anton harategia, Coviran, Art Fruit, Saint Gerons eta Morroskillo. Komertzio horietan 15 euro edo gehiagoko erosketak egin dituzten bezeroek tiket bana jaso dute zozketarako egunotan, eta gaur jakinarazi ditu Udalak zenbaki saridunak. Honako hauek dira.
1. Saria 4.566 (ordezkoa: 0015)
2. Saria: 4.569 (ordezkoa: 1.636)
3. Saria: 1.693 (ordezkoa: 3.991)
4. Saria: 2.851 (ordezkoa: 4.874)
5. Saria: 2.155 (ordezkoa: 2.732)
6. Saria: 2.399 (ordezkoa: 3.949)
7. Saria: 4.963 (ordezkoa: 2.635)
8. Saria: 4.728 (ordezkoa: 2.706)
9. Saria: 4.854 (ordezkoa: 3.998)
Lehen saria jasotzen duenak Ederki-Lutximak ile apaindegiko bi zerbitzuetan 50 euroko deskontua eta komertzio parte-hartzaile diren 13 dendetan erositako 50 euroko produktuak jasoko ditu. Gainerako 8 sariak kanpainan parte-hartu duten dendetan gastatzeko 50 euroko deskontu bonuak izango dira eta uztailaren 31a baino lehen erabili beharko dira. Sariak udaletxeko Arreta zerbitzuan jaso beharko dira, txartel sariduna aurkeztuta. Sariak jasotzeko azken eguna: maiatzak 30a.