Positiboen goranzko joera izan da azken orduetan Debabarreneko zenbait herritan, Eibarren eta Deban bereziki. Osakidetzak 23 positibo zenbatu zituzten atzo Eibarren, eta astelehenetik eguenera 55 positibo atzeman dituzte guztira. Ondorioz, 484,09era igo da intzidentzia-tasa. Debak ere joera txarrean jarraitzen du. Atzo hamabi positibo atzeman zituzten, eta 22 azken lau egunetan. Debako intzidentzia-tasak ere gainditu du eremu gorria, 513,481n dago-eta.
Elgoibarren joan den astean baino positibo gutxiago atzeman dituzte asteon (10 joan den astean eta 7 asteon): hiru astelehenean, bat martitzenean eta hiru atzo, eguena. Azken hamalau egunetan 31 positibo atzeman dituzte Elgoibarren eta 268,63an dago intzidentzia-tasa, eremu horian.
Mendaroko intzidentzia-tasa 378,25an dago. Asteon bi positibo atzeman dituzte, biak atzo.
Mutriku (451,64) ere eremu gorrira igaro da, azken lau egunetan 11 positibo atzeman eta gero.
Ermuan (330,86) zazpi positibo atzeman zituzten atzo, eta orotara 29 asteon. Soraluzek du eskualdeko intzidentzia-tasa altuena -956,22-, baina aurreko astean baino Covid19 kasu gutxiago zenbatu dituzte asteon, lau guztira.
Guztira 131 positibo zenbatu dituzte eskualdean asteon, apirilaren 12tik 15era bitartean. Aurreko astean 75 izan ziren.
∞Lotura duten albisteak:
- Hiru COVID-19 kasu positibo atzeman zituzten atzo Elgoibarren (2021-04-13)
- Elgoibarren lau positibo berri atzeman dituzte asteburuan eta hiru Mendaron, baina eremu gorritik kanpo jarraitzen dute bi herriek (2021-04-12)
- Asteon hamasei Covid19 positibo atzeman dituzte Elgoibarren, horietako hamar atzo (2021-03-26)
- Eskualdeko intzidentzia-tasa baxuena du Elgoibarrek (2021-03-22)
- Debabarrenean 26 positibo atzeman dituzte asteburuan, bakarra Elgoibarren (2021-03-15)