Joan den urriaren 17 eta 18an eurite eta haize-bolada handiak izan ziren Saharako errefuxiatu kanpamentuetan. Ondorioz, uholdeek kanpamendu guztietan eragin dituzte kalteak. Adobez eraikita daudenez berez ahulak diren etxebizitzak eta kanpin-dendak hondatu dituzte eta galerak handiak izan dira. Bizileku eta barruko tresna eta altzariak eraman dizkie urak baita jatekoak ere. Batzuk etxea bera ere galdu dute.
Errefuxiatu kanpamentuetan ez dute horrelako egoera larririk ezagutu 40 urtean eta eguraldi iragarpenen arabera baliteke euri gehiago egitea eta kalteak handitzea.
Honen harira Saharako Ilargi Gorriak larrialdiko deia egin du eta laguntzeko hainbat bide zabaldu dituzte gobernuz kanpoko zein bestelako erakundeek. Eibar-Sahara Elkartekoak dirua batzen ari dira errefuxiatuei laguntzeko. Beraz, laguntza eman nahi duten horiek dirua Euskadiko Kutxako 3035 0023 99 0230081679 kontu zenbakian sartu dezakete. Saharako Ilargi Gorriak, bestalde, Banco Sabadellen dauka kontua: (ES84-0081-0655-63-0001351540).
