Osasun Sailak COVID-19aren eragina neurtzeko ezarrita duen larritasun mailan, eremu gorrian egon da Elgoibar, joan den urriaren 15az geroztik. Intzidentzia tasa 500eko langatik jaitsi da orain, 388,43raino, eta eremu laranjan dago une honetan.
Gaur-gaurkoz zazpi udalerri daude eremu gorrian Araba, Bizkaia eta Gipuzkoan, COVID-19ak herriz herri izandako eragina aztertzen duen Eusko Jaurlaritzako Osasun Sailaren semaforoaren arabera. Gipuzkoan bost herri daude eremu gorrian: Arrasate, Bergara, Donostia, Eibar eta Ordizia. Barikutik hona lau herri pasa dira eremu gorritik laranjara: Elgoibar, Aretxabaleta, Azkoitia eta Deba.
Edonola ere, atzemandako koronabirus kasuen kopuruak beherantz egiteak ez du esan nahi datuak onak direnik. Europako Gaixotasun Infekziosoen Kontrolerako Erakundeak maila onargarria 15 eguneko eta 100.000 biztanleko 50 kasutan jarri baitu.
Mendaron ez dute kasu berririk atzeman asteburuan.
Hona Debabarrena eskualdeko datuak, herriz-herri:
| Herria (intzidentzia) | Abenduak 4 | Abenduak 5 | Abenduak 6 | GUZTIRA (aurreko asteburuarekiko dif.) |
| Eibar (565,22) | 7 | 5 | 8 | 20 (-17) |
| Ermua (517,49) | 5 | 4 | 3 | 12 (+3) |
| Elgoibar (388,43) | 2 | 0 | 3 | 5 (-5) |
| Deba (459,14) | 1 | 0 | 0 | 1 (-1) |
| Soraluze (482,60) | 0 | 1 | 0 | 1 (-4) |
| Mendaro (233,75) | 0 | 0 | 0 | 0 (-2) |
| Mutriku (337,46) | 1 | 1 | 1 | 3 (-2) |
| Mallabia (0,00) | 0 | 0 | 0 | 0 (-) |
| DEBABARRENA (453) | 16 | 11 | 15 | 42 (-28) |
Araban, Bizkaian eta Gipuzkoan hogei lagun ospitaleratu zituzten atzo, Osasun Sailaren arabera "COVID-19a" dutelakoan. Guztira 326 pertsona daude hiru lurralde horietako erietxeetan ospitaleratuta; Zainketa Intentsiboen Unitatean ospitaleratuta, bestalde, 131 pertsona daude. Oinarrizko birsorkuntza tasa edo R0 indizea, 0,90ekoa da hiru lurraldeetan. Gipuzkoak du indize horren tasa baxuena; 0,83koa.
∞Lotura duten albisteak:
- Hamahiru positibo atzeman dituzte Elgoibarren astelehenetik eguenera, eta ia semaforo gorritik ateratzea lortu du (2020-12-04)
- Amaia Goikoetxea: “Hemen, zazpiren lana egiten aritu gara hiru-lau mediku oraintsu arte” (2020-12-04)
- Zortzi positibo atzeman dituzte Elgoibarren eta Soraluzen eginiko PCR baheketa selektiboetan (2020-12-03)
- Hamar positibo zenbatu dituzte asteburuan Elgoibarren, aurreko asteburuan atzemandakoen erdia (2020-11-30)
- 17 positibo baieztatu dituzte asteon Elgoibarren, joan zen astean baino 31 gutxiago (2020-11-27)
- BIDEOA: Hasi dira elgoibartarrei PCR probak egiten, baheketa selektiboaren aurreneko egunean (2020-11-26)
- 720 lagunek hartu dute txanda gaur PCRak egiteko (2020-11-26)
- EH Bilduk gardentasuna eskatu die udal gobernuari eta Osakidetzari, Elgoibarren baheketa masiboa egingo dutela iragarri ostean (2020-11-25)
- Elgoibarren baheketa selektibo bat egingo dute eguenean eta barikuan (2020-11-24)
- Udalak dio Elgoibarren agerraldiak kontrolatuta daudela eta fokuak momentuz ez daudela behar bezain sakabanatuta baheketa masiboa egiteko (2020-10-30)
- Elgoibarren PCR baheketa masiboak egin ditzatela exijitzeko eskatu dio EHBilduk Udalari (2020-10-29)