Azken lau egunetako datuei erreparatuta, Elgoibarren joan den astean baino lau positibo gutxiago atzeman dituzte: 4 eguenean, 2 eguaztenean, 3 martitzenean eta 4 astelehenean: 13 guztira.
Ehun mila biztanleko intzidentzia tasa 509,28an dago gaur Elgoibarren. Horrenbestez, Osasun Sailak COVID-19aren eragina neurtzeko ezarrita duen larritasun mailan gorritik laranjara pasatzetik gertu dago adierazle hori. Joan den urriaren 15az geroztik eremu gorrian dago Elgoibarko intzientzia-tasa. Gipuzkoako intzidentzia-tasa 477an dago une honetan eta Debabarrena eskualdekoa 608an. Izan ere, joera beherakoa den arren, eskualdeko lau herri gorriz markatuta daude, 500dik gorako kutsatze-maila baitute: Eibar (734), Elgoibar (509), Ermua (717) eta Deba (734).
Elgoibarren joan den astean eginiko PCR Baheketa selektiboak eman dituen emaitzak publiko egin zituen, atzo, Ignacio Garitano Osakidetzak pandemiaren kontrola eta jarraipena egiteko duen koordinatzaileak. Elgoibarren eta Soraluzen egin zituzten baheketen emaitzak batera eman zituen Garitanok. Bi herrietan 1.521 lagunek egin zituzten PCR probak eta zortzi kasu positibo atzeman dituzte guztira, hau da, %0,53ak eman du positibo.
∞Lotura duten albisteak:
- Amaia Goikoetxea: “Hemen, zazpiren lana egiten aritu gara hiru-lau mediku oraintsu arte” (2020-12-04)
- Zortzi positibo atzeman dituzte Elgoibarren eta Soraluzen eginiko PCR baheketa selektiboetan (2020-12-03)
- Hamar positibo zenbatu dituzte asteburuan Elgoibarren, aurreko asteburuan atzemandakoen erdia (2020-11-30)
- 17 positibo baieztatu dituzte asteon Elgoibarren, joan zen astean baino 31 gutxiago (2020-11-27)
- BIDEOA: Hasi dira elgoibartarrei PCR probak egiten, baheketa selektiboaren aurreneko egunean (2020-11-26)
- 720 lagunek hartu dute txanda gaur PCRak egiteko (2020-11-26)
- EH Bilduk gardentasuna eskatu die udal gobernuari eta Osakidetzari, Elgoibarren baheketa masiboa egingo dutela iragarri ostean (2020-11-25)
- Elgoibarren baheketa selektibo bat egingo dute eguenean eta barikuan (2020-11-24)
- Udalak dio Elgoibarren agerraldiak kontrolatuta daudela eta fokuak momentuz ez daudela behar bezain sakabanatuta baheketa masiboa egiteko (2020-10-30)
- Elgoibarren PCR baheketa masiboak egin ditzatela exijitzeko eskatu dio EHBilduk Udalari (2020-10-29)