Ume batzuk pozik itzuli dira eskolara, beste batzuk gogoz kontra, eta gehienak, urduri. Hasi da beraz benetako erronka Hezkuntza komunitatearentzat. Hezkuntza Sailak zehaztu zuen protokoloa, zerrendatu zituen hartu beharreko neurriak paperean, baina ikastetxeetan ahal izan duten eran moldatu behar izan dira. Familiek ere ez dute erraza izan. Azken orduan iritsi zaie aurten oinarrizko informazioa eta burukomin ugari izan dituzte egunerokoa antolatzeko. Ikusi ditugu ikasturtea hasteko desiatzen zeudenak, bai eta zalantzati zeudenak ere, baina gauza bera aitortu dute galdekatutako gehienek: besteetan baino kezka handiagoarekin hasi dutela ikasturtea.
- Eskola umeak itzuli dira sei hilabetez hutsik egon diren ikasgeletara (2020-09-07)
- Jaurlaritzaren protokoloko puntu nagusiak BARREN aldizkariaren 1171. zenbakian ikus ditzakezue -PDF-
