Gizartea

barren.eus-logoa

Tokikom

 

 
 

2020 07 01 udako aisia eskaintza hasi atxutxi elgoibarCOVID-19aren izurriari buruzko egoeraren berri eman du goizean Nekane Murga Eusko Jaurlaritzako Osasun sailburuak eta esan du atzo, hilak 17, 115 lagunek eman zutela positibo PCR proban: 9 Araban, 43 Bizkaian eta 63 Gipuzkoan (Bezperan, 65 ziren). Datu horiekin kezkatuta, neurriak zorroztea erabaki dute. Batetik, "aldi baterako", udalekuak bertan behera lagatzeko eskatu die udalei eta bestetik, zahar etxeetako joan-etorriak mugatzeko, Aldundiari.

"Ez dugu ezkutatzen datuekiko kezka", adierazi du Nekane Murga Osasun sailburuak. Astetebean 25.000 PCR proba egin dituzte; atzo, 4.997 eta emaitzek erakutsi dute kutsatzeak gero eta gehiago direla. 115 lagunek positibo eman dute eta horiei eta haien etxeko eta gainerako kontaktuei zuzendu zaie sailburua. Bakartzeko eta berrogeialdian nola jokatu behar duten ondo informatzeko eskatu die. Arduraz jokatzeko eskatu du behin eta berriro Murgak eta gogorarazi du ezin dela hamar lagunetik gorako taldeetan batu, arriskurik handiena hor dagoelako.

Neurri zorrotzagoak ere iragarri ditu Osasun sailburuak. Batetik, udalekuak bertan behera lagatzeko eskatu die Udalei, Eudelekin batera hartutako erabakian, eta hala egingo dutela baieztatu dute Elgoibarko eta Mendaroko udalek. Elgoibarren, Udalak eta Elgoibarko Izarraren Atxutxiamaika taldeak antolatu dituzte elkarlanean udalekuak, eta Mendaron, Udalak antolatu ditu, baina Elgoibarko Izarrak kudeatzen ditu. Jaurlaritzaren aginduak biei eragin die.

Bestetik, adinekoen zentroetako joan-etorriak ere mugatu dituzte. Atzo, itxi zituzten Elgoibarko, Eibarko eta Mendaroko eguneko zentroak, baina gaur gainerako guztietara ere zabaldu dute araua. Gutxienez astebetez egongo dira itxita. Zahar etxeetan, egoiliarrek ezingo dute kalera irten eta bisitan senide bakarra joan ahal izango zaie.

 

Argazki Lehiaketa 2021

 

 

Elgoibarko Izarra

elgoibarkoizarra-logoa-irudia

Gida komertziala

Gida komertziala 2018

Bideoak

Barren astekaria

ePosta harpidetza