Zentroa zabaldu ahal izateko, kontingentzia plan bat prestatu dute eguneko zentrokoek, segurtasun neurri guztiak bermatzeko. Egunean bitan hartuko diete langileei eta erabiltzaileei tenperatura: lehenengoz furgonetara igo aurretik, eta, bigarrengoz, merienda ostean. Argi infragorri bidezko bi termometro izango dituzte, bat furgonetan erabiltzeko, eta bestea, zentrorako. Garraioarako ere neurri espezifikoak zehaztu dituzte. Gurpildun aulki bakarra egongo da gehienez bidaia bakoitzean, eta lau erabiltzaile gehienez. Maskara erabili beharko dute erabiltzaile denek eta bidaien amaieran eserleku guztiak desinfektatuko dituzte arduradunek. Furgonetan, garbitasuna mantentzeko materiala erabiliko dute: eskularruak, desinfekziorako materiala, maskarak...
