Horretarako, galdetegi bat zabalduko dute, eta aurrez aurreko bilera batera ere gonbidatu dituzte herritarrak, ekainaren 18rako (18:00etan, Kultur Etxean).
Emakumeen Txokoa definitu eta zabaldu nahi du Elgoibarko Udalak. Horretarako, bide-orri bat adostu dute Emakumeen Kontseiluarekin eta herriko beste hainbat talde eta eragiletako emakumeekin, datozen asteetarako. Emakumeen Txokoaren diseinuan herritarrek parte hartzea nahi dute, eta hainbat bide emango dituzte horretarako. COVID-19ak eragindako ezohiko egoeran, baina, herritarren ekarpenak era telematiko edo elektronikoan jasotzeko bideak lehenetsi dituzte. Dena den, aurrez aurreko bilera bat ere egingo dute ekainaren 18an, 18:00etan, Kultur Etxeko hitzaldi-gelan. Segurtasun neurri guztiak bermatu ahal izateko, aurrez izena emateko eskatu dute, honako posta elektronikora idatzita, ekainaren 17a baino lehen: berdintasuna@elgoibar.eus. Era elektronikoan parte hartzeko, berriz, ondorengo galdetegia prestatu dute.
