Dozena erdi bat suhiltzaile, beharrezko babes ekipamenduekin eta bi kamioirekin, goizeko lehen orduan iritsi dira San Lazaro egoitzara, gune komunak eta egoiliarren joan-etorri handieneko guneak desinfektatzera: egoitzaren kanpoaldea, eskailerak, aretoak, komunak, bulegoak, sarrera... desinfektatu dituzte, besteak beste.
Elgoibarko Udalak eskerrak eman nahi dizkie, oro ha,r Elgoibarko herritarrei, Estatuko Gobernuak alarma egoera ezarri zuenetik izaten ari diren jarrera ulerkor eta jokabideagatik. Ildo honetan, Udalak erantzukizunaren aldeko deia egin du eta herritarrei osasun agintarien jarraibideak eta gomendioak jarraitzeko eskatu die.
