Elgoibarren GERTU”k 688 804 672 telefono zenbakia izango du eta goizeko 7:00etatik gaueko 21:00etara egongo da erabilgarri, bai deiak egiteko, bai deiak jasotzeko, emakumeekin adosten diren ordu eta egunetan. Telefono honetan deiak, bideo-deiak eta Whatsappak jaso ahal izango dira.
'Elgoibarren GERTU' ekimenak honako zerbitzu hauek eskainko ditu, alor horretan adituak diren profesionalen bidez:
-
Indarkeria matxistaren egoerei aurre egin behar dieten emakumeei laguntza emozionala emango diete, bai egoera horiek alarma egoera baino lehen gertatzen zirelako edo bai egoera honen baitan sortu direlako. Bikotekideekiko, seme-alabekiko edo, etxean, konfinamendua partekatu behar duten beste pertsona batzuekiko arazoak.
-
Laguntza eskaintzen den bitartean sor daitezkeen gizarte arazoak gizarte zerbitzuekin batera kudeatzea.
-
Laguntza eskaintzen den bitartean sortzen diren segurtasun arazoak tokiko poliziarekin batera kudeatzea.
-
Beste laguntza motaren bat behar baldin bada, laguntza hori udal mailako edo erkidego mailako beste baliabide batzuekin batera kudeatzea.
-
Beharrezkoa dela uste izanez gero, indarkeriaren biktima diren emakumeak artatzeko Eusko Jaurlaritzak duen zerbitzura edo 112ra bideratzea.
-
Artatzen diren kasu guztien jarraipena egitea, alerta egoerak abian dagoen denbora guztian.
Era berean, Elgoibarko Udalak gogorarazi du, Eusko Jaurlaritzako Enplegu eta Gizarte Politiketako Sailak etxeko indarkeriaren edo sexu-erasoen biktima izan diren emakumeentzako informazio eta arreta-zerbitzua eskaintzen duela 900 840 111 telefonoaren bitartez. Informazio gehiago: https://www.euskadi.eus/informazioa/genero-indarkeriaren-biktima-diren-emakumeentzako-zerbitzu-espezializatua/web01-a2gizar/eu/