Elgoibarren, Udalak eta Emakumeen Kontseiluak bat egin dute deialdiarekin eta gauza bera egin du Mendaroko Tratu Onen Aldeko Taldeak.
Atzo goizaldeara jaso zuten deia Ertzaintzak. Hilketa gertatu zen kalera iritsi zirenean gizon bat topatu zuten kalean, hildakoaren semea, lanbidez udaltzaina. Hark eman zien berria, eta atxilotu egin zuten. Iluntzean lapiko jotzea egin zuten Soraluzen herriko talde feministak deituta (ikus plaentxia.eus webgunean). Emakume erahila Soraluzen. Toli, gogoan zaitugu! leloa zabaldu zuten nork bere etxetik eta sare sozialen bidez.
Gaurko, Euskal Herri osora zabaldu dute deia. Konfinamendu egoeran egonda, baina, nork bere etxetik egiteko eskatu dute. Konfinamenduaren harira Euskal Herriko Mugimendu Feministak atzo ohartarazi zuen indarkeriaren biktima asko bakartatua gelditu direla egunotan, erasotzaileengandik ihes egiteko aukerarik gabe.