Elgoibarren Kalegoen plazan egingo dute elkarretaratzea, 19:30ean. "Herritar guztiei dei berezia egiten diegu kontzentrazioan parte har dezaten", adierazi dute deitzaileek. Era berean, Elgoibarko Udalak bat egin du Euskadiko Udalen Elkarteak (EUDEL) egindako gaitzespen adierazpenarekin
Mendaroko Tratu Onen Taldeak ere antolatu du hilketak salatzeko ekitaldia. Lapiko jotzea egingo dute Herriko Enparantzan, 20:00etan. Tratu Onen Taldekoek jakinarazi dutenez, 27 emakume hil dituzte 2020an indarkeria matxistaren eraginez. Azken bi hilketak Abanton (Bizkaia) gertatu ziren, Sanfuentes auzoan. Bertako etxebizitza batean aurkitu zituzten hilda 54 eta 24 urteko bi emakume, labankadekin, atzo eguerdian. Emaztea eta alaba hiltzea leporatuta atzo arratsaldean atxilotu zuten 60 urteko gizonezko bat Portugaleten.