Elgoibarko gazte talde batek Jaiki izeneko taldea sortu du. Taldekideek jakinarazi dutenez, gizarteko hainbat arazo gazteen ikuspegitik landu eta irtenbideak sustatzeko eratu dute Jaiki taldea.

Gizarteko hainbat arazoren inguruan eztabaidatzeko asmoa dutela aditzera eman dute Jaiki gazte-taldeko taldekideek: etxebizitza, aisialdia, hezkuntza eta hizkuntza, besteak beste. Lehen mugarri moduan, baina, feminismoari heltzea erabaki dute. Asmo horretan, feminismoari buruzko tailerra antolatu dute uztailaren 22rako. Elgoibarko Gaztetxean izango da, 18:30ean hasita. Tailer irekia izango da, baina bideragarritasuna bermatzeko parte hartuko duten lagunen kopurua aurrez jakitea komeni zaie. Hortaz, parte hartzeko interesa dutenek, honako helbidera idatzi behar dute: Helbide elektroniko hau spam roboten kontra babestuta dago. JavaScript aktibatuta eduki behar duzu hau ikusteko..